محمد دلجاوى “ثوابت نعلمها لأبنائنا”
كتب محمد دلجاوي الجازوي علي صفحته في الفيس بوك يقول:
ثوابت نعلمها لأبنائنا
لما ربنا يكرم اى حد من جيراننا
بالعمل فى شرطه او نيابه او عضوية برلمان أو اى عمل خدمى المفروض نفرحله حتى لو بينك وبينه عداوه
لأنه إن منفعكش مش هيضرك
ولأنك تقدر تروحله وتعاتبه وتعاتب أقاربه
وعتابك هيبقى له قدر من الإهتمام
خلاف لو حد غريب مش هيعملك أى حساب
ومهما كان اللى بينك وبينه بتتشرف بيه قدام الغريب وبتقول قريبى حتى لو مش قريبك
الأهم من كده
إنّ نوايانا تكون طيبه ونحب جميع الناس ونتمنالهم الخير
لإننا لو تمنينا للناس الشر أكيد ربنا هيعاقبنا بنياتنا
فلازم نعالج نفسنا من أمراض القلوب ونتغير علشان
ربنا يغير حالنا للأحسن (حتى يغيروا ما بأنفسهم)
نسأل الله أن يوفقنا ويوفق جميع جيراننا واهلنا ويصلوا لاعلى المناصب
اللهم امين امين
